elCinema.com

في ذكرى ميلاده الـ 79 ، أفضل ما كتب الخال (عبدالرحمن الأبنودي)

[ من صفحة عبدالرحمن الأبنودي ]

كتب الشاعر الراحل الكبير عبد الرحمن الأبنودي العديد من أبيات الشعر، وكلمات الأغاني، والقصائد التي لمس بها القلوب، وفتحت لها العقول وباتت في آذهان العديد منا حتى اﻵن
وكان من بين تلك الكلمات، تترات أغاني المسلسلات وكلمات أغاني الأفلام

كلمات الأغاني والكورال بفيلم (شيء من الخوف)
منها:

كبر وشب الولد ومعدش يغوي السواقي…أشبهك يابلد بغريق بينده ما لاقي
في الكفر طايح بسيفه زي الرياح في الرمايل
في الناس بيحكم بكيفه ويشدها بالحبايل
نسي التراب في الموالد… نسي الحصان الحلاوة
كأنه جه زي شارد من تحت حر البداواة
فؤادة وفين من فؤادة زي مايكون ضنايا غريب وضاعت بلاده بيردها بالعصايا
هوه الولد والا ماهو… ولا احنا مش احنا ولا
عيونه ف الضلمة زاغوا… داس ع اللي قبله وما خلي
الزرع جف الضرع جف الارض بتقول غيتوني
جف الشجر مات القمر الارض بتقول غيتوني

أغنية فيلم النمر الأسود (اﻷوقات الصعبة)
اتقدم اتقدم اتقدم
وكفاية خلاص تتندم
للشمس للنور للشمس للنور مش هيعطلنا سور
طول ما الدنيا هدور انا من الدنيا هتعلم
طول ما الدنيا هدور انا من الدنيا هتعلم
هتقدم هتعلم اتقدم اتقدم هتقدم هتعلم
هتقدم هتعلم اتقدم هتعلم اتقدم اتقدم
اتقدم واتقدم واحلف مش راح تتندم
اتقدم اتقدم اتقدم اتقدم
وكفاية خلاص تندم
للشمس للنور مش هيعطلنا سور
طول ما الدنيا هدور انا من الدنيا هتعلم
طول ما الدنيا هدور انا من الدنيا هتعلم


الدم اللي في ايديا
بالليل ينده عليا
ويقولي قتلت مين ؟
ويقولي
يا
انسان
تميز السجان
أزااااااااااااي من السجين ؟
قلبي اللي كان بريء
زي الطير الطليق
ازاي ضلت عيونه
لما شاف الطريق ؟
آه
يا عيون بريئة
مين بدل الحقيقة ؟
ومين ؟
قلب المعاني
قدام عيني في دقيقة

جالو علينا ديابة و احنا ياناس غلابة
جالو علينا ديابة و احنا ياناس غلابة
يا مغنوتي غني حكايتنا على الربابة

كل ما نفترق
تجمعنا اللطرق
فى العين احفان دموع
و القلب بيتحرق

يا شمس ليه تغيبى
دايما قبل الميعاد؟
الضلمة اللى فى قلبى
قطعت حبل الوداد

و كل ما اتسرق
من همى و نفترق
فى بحر الحزن القى
حلمى القديم غرق

يا عيونها الطيبين
االلى كانت رحيمة
بقيتوا ليه قاسيين
و نظرتكم لهيمة؟

متسلطين عليا
تسقونى خوف و شك؟
يا اللى حاكمين عليا
تضيّعنى السكك

أغنية الحرام من فيلم الطوق والاسورة

الرقبة كوز العطشان
بطنها خمبر عرقان
خشمها خاتم سيلمان
انا لو ادوق منها بوسة
مش حرام عليا المشنقة