elCinema.com

مراجعة فيلم لص بغداد

[ من صفحة مراجعة فيلم لص بغداد ]
القصة:حول مغامرة كوميدية تقع عندما يهم أبطال الفيلم لكشف الغموض عن مقبرة اﻹسكندر اﻷكبر التي يبحث عنها العالم منذ قرون طويلة.
اولا: الفيلم فكرته جديدة على السينما المصرية و هو جو المغامرات فى اطار خيالي… طب ديه نوعية جديدة و يحسب للفيلم و لكن عشان توفر المتعة فى أول تجربة للفكرة ديه هل الفيلم نجح إنه يقدم مغامرة حلوة جدا؟
ثانيا: الفيلم من التريلر مركز على أكتر عنصرين و هما الاكشن و الكوميديا…تعالوا نكلم بالتفاصيل
ثالثا: الاكشن… مليان أفكار كتير جديدة زي مشهد المياة اللى مشوفتش زيه قبل كدة فى السينما المصرية و الصراحة كان ممتازة جدا على مستوى التنفيذ و على مستوى البصري… كمان فيه مشهد حلو اتاخد مرة واحد و كان مدته دقيقتين و كمان اتعمل بصياعة مونتاج حلوة… كمان كان فيه فكرة مشهد مطاردة عربيات حقيقي حلوة جدا برضه و متنفذة بشكل جيد جدا… مشهد كمان بالطيارة اللى ممكن يكون اتعمل قبل كدة فى فيلم بلبل حيران بس الصراحة هنا أفضل بكتير و جديدة كمان بالإضافة إنها مكنتش جرافيك و كانت متنفذة بشكل جيد… ف حقيقي الاكشن كان نسبة التجديد فيه عالي جدا و كمان الاتقان اللى كان فيه متنفذ بشكل جيد جدا… و اللى ساعد فى كدة كمان هو الأداء البدني الرائع من محمد إمام اللى عمل كل مشاهد الاكشن بنفسه و الصراحة بيعلي على نفسه فى كل مرة و بيحاول يقدم شئ جديد… يعيب بس بعض المشاهد ديه إنها بتحصل فيها slow motion بدون داعي و دة كان فصيل شوية… بس عامة الفيلم كمان قدر يوفى وعوده و بزيادة فى الاكشن و اة كان مليان مبالغات بس معمول حلو جدا لإنه لايق على النوعية و العيب التاني هو مشهد فى تسلسل النهاية مكنش معمول حلو آوي
رابعا: الكوميديا يمكن اة كان قليل من حيث المواقف… بس كوميديا الافيهات كانت حاضرة و بقوة… و المفاجأة مين اللى شايل الكوميديا الفيلم و آكتر واحدة قدرت تضحكني وبكل تأكيد كانت مفاجأة الفيلم… ياسمين رئيس… اة يا جماعة ماستغربوش ياسمين رئيس عامله دور عمرها بالفيلم… تمثيل و أداء كوميدي أول مرة اشوفه منها و تلقائية جدا و قدرت تضحكني كتير و بصوت كمان… و بكمياء كوميديا و رومانسية مفاجأة مع محمد إمام… و دة طغى على أدائهم هنا الاثنين و جعل إن التناغم ما بينهم يكون جيد جدا و يخلق جانب رومانسي فى الفيلم حلو جدا جدا… كمان محمد عبد الرحمن دة جوكر الكوميديا اللى طبعا كان بيشترك فى معظم المشاهد معاهم… مجملا الكوميديا كانت بتترواح بين جيد و جيد جدا كمان
خامسا: الأداء التمثيلي… محمد إمام الأداء التمثيلي كان جيد اة مفيش منه جديد بس فى منطقة الامان و بيطور على الأداء البدني… ياسمين رئيس التجسيد الافضل فى الفيلم… فتحي عبد الوهاب أداء جيد جدا من رغم إن الشخصية مكنتش مكتوبة بشكل جيد خالص بس هو برنس طبعا و قدر يخلقلها هو شخصية و طبعا دمه خفيف كالعادة… من عيوب الفيلم بقى هو جانب الشر أمينة خليل مش لأن تجسيدها وحش بس فعلا الدور دة كان محتاج حد أقوى من كدة فى راى طبعا فيه عيب من دة كمان من المؤلف لأن فى الاساس بناء الشخصية و كتابتها مش حلوة آوي و متقدمتش بكسل جيد بس برضه أداءها مقبول بس هي كانت ممكن تجسد أحسن من كدة… محمد عبد الرحمن طبعا زي ما قولت و كان ليه مشهد تراجيدي كان كويس جدا
سادسا: مونتاج الفيلم ل باهر رشيد كان جيد جدا خصوصا فى الزوايا التصوير و كمان الصياعة فى مشهد اللى اتاخد مرة واحدة وان شوت
سابعا: التصوير و المؤثرات البصرية… كانوا ممتازين جدا و متقنين جدا و حرفيا السينما المصرية عدت البراميل يا جدعان فى موضوع الجرافيك دة بقينا نعمل فعلا جرافيك متقن جدا فنيا و بصريا… و دة إنجاز من هيثم حسني و تامر مرتضي
ثامنا: التأليف لتامر إبراهيم و الاخراج لأحمد خالد موسى… السيناريو نقدر نقول سطحي تقدر تفهمة و يبقى قصة،كويسة… بس فى راى طريقة السرد كانت تتحكي بالترتيب و من غير لف و لا دوران اللى هو مجرد المفاجأة و كان ممكن يبان إن السيناريو يكون متماسك لأن فعلا مكانش ليها لازمة تتحكي كدة بس طبعا دة مقبول فى فيلم زي دة… بس أعيب عليه أن لازم الشخصيات كانت تتقدم أحسن من كدة و ديه حاجة مهمة فى أفلام المغامرات… أما الاخراج لأحمد خالد موسى أقدر أقول إنه بيعلي سقف الاكشن فى مصر بس بجد نفسي مع دة يقدر يقدم سيناريو كويس و يتوازن بين الاكشن و الدراما… بس الأداء الاخراجي فعلا كان ممتاز و قدر يقدم وجبة سينمائية ممتعة
التقييم النهائي: (7.5/10) و ديه بس لأنها نوعية جديدة و أول مرة نجربها و فيها درجات تشجيع… لأن برضه الفيلم ممتع جدا و مسلي جدا و نهايته بتؤكد إن فيه جزء ثاني و طبعا منتظرة جدا

نقاط مهمة في عرض الفيلم وتحديدا جزء شرح الكوميديا

شكرا استاذ اندور
يمكنك إضافة نقد لصفحة الفيلم من خلال العلامة أعلى الصفحة


حتى يستيطع الجميع الاطلاع عليه وقراءته

شكرا