[ من صفحة الزيبق ]
بصراحه انا من اشد المعجبين بكريم عبدالعزيز و شريف منير و بحبهم جدااا
لكن بصراحه العمل صعب جدا خصوصا ان فيه تجارب مخابراتيه فى الدراما المصريه كانت عباره عن ملاحم يعنى المفروض لما اى انسان يقرر يدخل فى الصراع دا لازم يبقى مجموعه عمل محترفه بشكل قوى جداا لان اول شيى هيعمله انه هيقارن العمل الجديد بالقديم لو جبنا اول حلقه من رافت الهجان هتلاقى نفسك غصب عنك و لحد دلوقتى مشدود على الرغم انك حافظ الحوار
بصراحه شديده 30 حلقه متطلعتش منهم بشىء فراغ انا متفهم انه لازم يكون فيه تطويل و حشو لكن لازم يكون فيه على الاقل تشويق و مستوى كلام يعنى فيه مواقف كانت تشل فى المسلسل بجد
يعنى دا فيلم بئر الخيانه كان بيجيب فريق كامل من المراقيبين علشان الضحيه متحسش انها متراقبه
يبقى الموساد فى التسعينات معندهوش غير عميل واحد ماشى وراء كريم عبد العزيز و بيهرب منه يعنى اوفر قوى - و كمان ايه ادوارد اللى طالع فى كل المشاهد و هو بيستلم و بيوصل الاخبار ما كان فى اى موقف سالم هيلاحظه .
و بعدين ازاى يعنى بردو دانى ياخد كريم عبدالعزيز و يدخل بيه السفاره الاسرائليه طب ايه لا و من الباب الرئيسى كمان يعنى كما لو ان مفيش حد من عندنا بيراقب السفارت دى و مين بيدخل و مين بيخرج
لا و كريم عادى معندهوش اى اندهاش طب حتى كان يتخض او ينزل فى الدواسه على اساس انه مرعوب .
بصراحه مكنتش حابب اعلق بس احنا هنا مش بنتكلم دراما احنا بنتكلم عن سمعة جهاز كلنا بنحبه و بنقدره .
و شكرا
سامح الليثى
