[ من صفحة المكتوب عليه ]
انتهيت من الفرجة على مسلسل مكتوب عليا… و الحقيقة إني حبيت أتفرج عليه بتفرغ بعد رمضان بعيداً عن الزحمة…
المسلسل في مجمله عجبني… أكرم حسني يعود لتيمة نجاح الوصية بعد سنين و بعد الفشل الذريع اللي طال مسلسل رجالة البيت…
الملاحظ إن أكرم هنا بيعمل بطولة مطلقة مش بمشاركة ممثل آخر زي أحمد فهمي في رجالة البيت و ريح المدام أو أحمد أمين في الوصية…
و في رأيي بينجح أكرم في إنه يشيل المسلسل على أكتافه و يحقق المتعة المرجوة للمشاهد…
المسلسل جمع العديد من مقومات النجاح منها الفكرة الجديدة و اللي تبدو فلسفية تدفع المشاهد للتفكير في ماذا يحدث لو عرفت قدرك بشكل مسبق…
السيناريو جيد لا يخلو من بعض الملل في بعد المشاهد و الحوار كان كوميدي بشكل كافي…
أكرم حسني ضحكنا و أبكانا بمعلمة
عاجبني الثنائي بين أكرم حسني و إسماعيل فرغلي اللي اكتشف نفسه بشكل مختلف و كسب مساحة دور أكبر من اللي لعبه قبل كده و أعتقد إن إسماعيل فرغلي مكانه محجوز مقدماً في دور الأب بشكل كوميدي…
حنان سليمان كمان تألقت في الدور…
عمرو عبد الجليل إضافة لأي عمل بيشارك فيه…
أما أيتن عامر فلا جديد في أدائها…
هنادي مهنى أدت دورها كما هو مطلوب…
تألق لهلا رشدي و محمود السيسي رغم إنها المرة الأولى لهما في مجال التمثيل…
محمد طعيمة أثبت إنه كوميديان موهوب و يستحق أدوار أكبر في المستقبل…
باستثناء فردوس عبد الحميد و عزة لبيب و صلاح عبد الله فضيوف الشرف لم يضيفوا الجديد على أحداث العمل…
أخيراً أغنية التتر كانت جميلة و الموسيقى التصويرية مناسبة جداً
