elCinema.com

توقعوا موتة لرامزي بولتون

منتدى الأعمال Game of Thrones S6
#1

يا جماعة، انا بكره رامزي بولتون بشكل مش طبيعي، وبيتهيألي كلنا كدة

تعالوا نتوقع موتة مش طبيعية للبرنس دا، كل واحد يطلق خياله ويتوقع لنا أبشع موتة ممكن رامزي يموتها…
يلا بينا :smiley:

#2

ممكن يتعلق ويتم سلخ جلده قدام أهل وينترفيل كلهم زي ما كان يحب يعمل مع خصومه

#3

توقعي انه يموت محروق مش عارف مين اللى هيعمل كدا بس ف الغالب سانسا ستار بعد متكسب المعركة هي وجون سنو هيكونه حطينه ف زنزانة لوحده وهي تدخل عليه وتكب عليه جاز او بنزين اي يكن وتولع فيه وساعتها هنعمل كلنا هيييييييييييييح من قلبنا :smiling_imp: او ممكن جون سنو يقطع رقبة امه ف المعركة بعد ميقبله ف المعركة

#4

ممممم، حاول تبقى شرير أكتر من كدة، عايزين موتة أصعب :smiley:

#5

ممكن يحبسوه، ويسيبوا عليه جوست مثلا، وهو يتصرف معاه

#6

هو طبعاً لازم يموت موته مش طبيعيه
بس توقعي إنه اﻷول هيودوه لثيون يعمل فيه اللي عمله فيه :smiley: :smiling_imp:
وبعدين يتسلخ والباقي منه يدوه لجوست يآكله

#7

الانتقام اﻷمثل والله D:

#8

القصة ملهاش معني لو حيموت وخلاص
على الأقل في الأجزاء الأولى كان فيه كذا طرف شر صافي ، طرف مخلص للشر
بس دلوقتي كلنا تعاطفنا معاهم كلهم خلاص، الدنيا ما بقاش فيها اشرار بحق وحقيقي
مافيش غير رمزي، الشرير الوحيد، شرير بجد ومستحيل تتعاطف معاه
بلاش تموتوا ده كمان بقى

يحارب جون سنو ورمزي يقتله وياخذ سانسا يخلف منها ولد وبعدين يقتلها
ونكمل بقى فصة عادية بواحد شرير طبيعي

#9

إحنا كدة اللي هنموت يا باسم…

اوكيه انا متفهمة أنو لازم يكون فيه حد شرير في المسلسل، ممكن يخلقوا لنا شخصية جديدة، بس كفاية بقى رامزي والله

#10

غالباً الكلاب هتأكله … بعد ما هيذبح … كل المؤشرات بتقول إن نهايته قربت

#11

أمييييييييييييييين D:

#12

@user_665573895 هو اه اﻷنتقام اﻷمثل بس انا بختلف مع خالد
@user_665548772 اتوقع إن رامزي مش هيموت بسهوله وإحتمال يكمل معانا موسم كمان
وزي ما باسم قال لازم يفضل في شخصية شر موجودة ﻷن حالياً مفيش غيره بس صعب سيناريو إنه يموت جون سنو @user_665544330

#13

وخالد يكسب معانا جايزة أحسن توقع، رامزي مااااااااااات يا جدعان

#14

انا باكرهكم كلكم :frowning:
خلاص تحول لمسلسل اهبل ومتوقع لما كل الأشرار يموتوا والطيبين يكسبوا وخلاص
يعني اريا تعيش ورمزي يموت ؟؟ إيه الهبل ؟

#15

YESSSSS

لسة كنت بأحكي لنورا قوة توقعاتي :slight_smile:

هي الجايزة إيه صحيح ؟

#16

@user_665544330 نهاية الجزء الثامن هتوضحلك إن مفيش أخيار , وإن حتى الستارك هيتحولوا للانستر جدد وبيظلموا الناس عادي وإن كل شخصيات المسلسل رماديه , مفيش حد خير ابداً ولا حد شر ابداً بما في كدا المفاجأة اللي هيعملها جون سنو