زي النهاردة كان العرض الأول لفيلم Inglorious Basterds
الفيلم كتابة واخراج كوينتين تارانتينو وتمثيل براد بيت, كريستوف والتز ومايكل فاسبندر واحداثه بتدور عن الحرب العالميه التانية
الفيلم كان معظمه بالفرنساوي او الالماني وكان 40% بس من الحوار بالانجليزي ودي حاجه غريبة بالنسبه لفيلم هوليوودي
كوينتين كتب الفيلم في 10 سنين وكان هييأس لانه مكانش لاقي ممثل يعمل دور كولونيل هانز لاندا ولكن غير رأيه بعد ما شاف اداء كريستوف والتز
كريستوفر والتز كسب أوسكار عن دوره في الفيلم ده ودي كانت أول أوسكار تطلع لدور من فيلم لتارانتينو
تارانتينو كان عايز يسمي الفيلم “Once Upon a Time in Nazi-Occupied France” بس اكتفي انه يسمي الفصل الأول من الفيلم بالأسم ده
ليوناردو دي كابريو كان مرشح لدور كولونيل هانز ولكن تارانتينو كان عايز حد لغته الأولي هي الألماني
سايمون بيج كان المفروض هو اللي هيلعب دور ارشي ولكن الدور في الاخر راح لمايكل فاسبندر
رود تيلور وافق انه يعمل دور رئيس وزراء انجلترا وينستون تشيرشيل مع انه كان معتزل التمثيل.
راوي الفيلم هو صامويل ال جاكسون
دي بعض المعلومات المفضلة لينا عن الفيلم
قولولنا انتوا ايه أكتر مشهد بتحبوه في الفيلم
