[ من صفحة أعظم من وقف قصاد كاميرا السينما على الإطلاق ]
نور هو الأقدر والأكثر تنوعًا في الدراما (يليه الفخراني)
وهو الأكتر تجسيدًا لأبطال روايات نجيب محفوظ (يليه عزت العلالي)
وهو الأكتر قراءة وثقافة وإطلاع بين أبناء جيله (يليه صلاح السعدني)
أسلوبه المميز الخاص بيه ودراسته الأكاديمية ودمه الخفيف واجتهاده وشغله المستمر على نفسه وتصالحه الذاتي ووسامته مميزات مجتمعتش غير فيه… وصعب اللي يركز مع إبداعه يقدر يقارنه بأي فنان في العالم 
ويكفي إن لما چو قرر يستعين بحد يمثله شخصيا مخترشي غيره 
“نور الشريف” عمره ما كان بيدور على ألقاب أو زعامة أو يتعمل له أغاني ومهرجانات في عيد ميلاده 
ملا الدنيا إبداع ومات في هدوء، لأن الإبداع هو إللي بيعيش زي ما هو نفسه قال في حوار مسجل قبيل وفاته لما اتسأل عن غيرته من “عادل إمام”، قال:" أنا أقدر أعمل حاجات زملاء ليا أكثر نجاحا وأعلى أجرا ميقدروش يعملوها… عادل إمام عنده قدرة إنه كوميديان… لكن أنا عندي قدرة التمثيل باللغة العربية مفيش زميل ليا يقدر يعملها… وما يتبقى هو الإبداع الحقيقي"
عظيم جدا الله يرحمه