[ من صفحة فيلم رائع و تجربة مختلفة ]
انا شفت الفيلم النهارده الأربعاء ٢ مارس اول عرض فى القاهرة و عجبنى جدا جدا.
روبرت باتنسون عامل الدور حلو اوى و مختلف عن بين افليك و كريستيان بيل.
المخرج مات ريڤز قدم تجربة مختلفة تماما عن افلام السوبر هيروز اللى احنا متعودين عليها، و الفيلم ممكن جدا يصنف كدراما جريمة مش فيلم سوبر هيرو خالص، و الفيلم متأثر جدا بافلام لديڤيد فينشر و تحديدا: سيڤين و زودياك.
الفيلم برده متأثر بكوميك الهالوين الطويل، و اللى هيشوف الفيلم و هو قارى الكوميك هيستمتع اكتر.
كات ومان عجبتنى لكن تزال ميشيل فافيفر افضل واحدة قدمت الدور.
كولين فيرال عامل دور عمره، حاجة فى منتهى الجمال، و غير شخصية البطريق اللى كان مقدمها دانى ديڤيتو خالص.
موسيقى مايكل چياكينو روعة، و كنت بدندن الثيم بتاعت باتمان كل شوية و انا بتفرج.
الفيلم سودوى جدا و طويل و ده ممكن يكون سبب انه ميعجبش ناس كتير، انا شخصيا استمتعت جدا و حابب ادخله تانى.