[ من صفحة سوسن بدر تتحدث عن والدتها الفنانة الراحلة آمال سالم ]
حلت الفنانة الكبيرة سوسن بدر ضيفة فى برنامج “واحد من الناس” وتحدثت خلال الحلقة عن والدتها الفنانة امال سالم قائلة: “تعلمت من والدتى المهنية فى العمل، وهى الفنانة امال سالم وكانت من أخر أعمالها مسرحية ريا وسكينة، ومن بعد المسرحية أصيبت بالزهايمر”.
وتابعت سوسن بدر: “والدتى جالها زهايمر من بدايات ريا وسكينة ووقتها مكانش لسه المرض معروف فى مصر…وبدأنا نحس أن فيها حاجات وتصرفات غريبة تحدث منها … ولما سألنا قالوا فيه دكتور من بره موجود ممكن يكون عنده معلومة… وقعد واتكلم معاها وأخبرنا بمرض الزهايمر وقالنا المتعب فى المرض ده مش فى البداية ولكن المتعب فى النهايات وعاشت بيه من بداية مسرحية ريا وسكينة، وبطلت لانها كانت بدأت تنسى”.
وأضافت سوسن بدر: “والدتى عاشت فترة كبيرة مريضة واتوفت فى 2010 بس طول الوقت كانت موجودة، ولما مابقتش موجودة اكتشفت انها سابت فراغ كبير جدا… وفعلا وجود الاب والام اجمل حاجة فى الدنيا”.
