elCinema.com

البنت اللي في آخر تتر برنامج "نادي السينما" من فيلم أيه؟؟

سؤال المليون دولار اللي حيَّر جيل بحالة… مين البنت اللي كانت لابسة رداء نوم أبيض، وبتمشي الهويني خارجة من باب بيت كبير في آخر تتر برنامج “نادي السينما”؟؟َ!!

أنا حطيت مواضيع في كل المنتديات تقريبًا… بالعربي والإنجليزي… وتواصلت مع خبراء في IMDB… وقعدت ليالي طويلة أبحث… لكن زوتش… موصلتش لأي حل… أفضل تخمين وصلت ليه كان مسلسل سبعيناتي قديم اسمه Little House on The Prairie، بس معرفتش أتأكد.

هل في حد يقدر يساعدني؟

اللقطة في الدقيقة 2:29

أعتقد من فيلم Birds لستيفن سبيلبرج؟

شكرًا يا محمد… بس للأسف ﻷ… أنا حافظ فيلم Birds :frowning:
وبالمناسبة الفيلم بتاع ألفريد هيتشكوك :slight_smile:

مخرج البرنامج لسة عايش ؟

عذراً علي الخطأ… هيتشكوك فعلا

مخرج البرنامج لو عايش زمانه عنده زهايمر :smile:
وبعدين اللي عمل التتر غالبًا المونتير مش المخرج.

انا بدور عليه من خمس سنين و عايز اي معلومات عنه اللي شاف الفيلم يقول قصته ياريت نجيب الفيلم ده لانه لغز كبير اوي

دي من مسلسل هند والدكتور نعمان :smile:

It’s actually one of the earliest Speilberg works…
“Close Encouters from the 3rd Kind” is the name of this wonderful movie with unforgatable scene of the little girl.

لا مش ه دي كانت بنت وانت بتتكلم على ولد صغير

انا نفسي اعرف اسم الفيلم ده… والدي اتفرج عليه زمان و كان بيقولي كان فيلم فيه حيوانات كتير جدا و كان ٣ ساعات تقريبا بس للاسف مش فاكر اسمه و لا اي حاجه عنه لانه شافه بالصدفه مره في التليفزيون… لو حد يقدر يفيدني اكون شاكره لاني بدور عليه بقالي كتير

الفيلم دا تم عرضه فى نادى السينما فى أوائل الثماينات وتقريبا على ما أتذكر إن البنت دى تاهت من أبوها وأمها والناس اللى هى عندهم ربوها وكانت بتخرج على باب البيت انتظارا لعودة أهلها. بس اسم الفيلم ايه مش متذكر

شهد طفله تتر نادي السينما اللي كتير من جيلنا كان متعاطف معاها وهو لايعرف اسمها ولا المشهد ده في فيلم ايه…
الطفله دي اسمها Susan Swif
واسم الفيلم Audrey Rose من افلام الرعب انتاج سنه ١٩٧٧

egyptisone

مش هي للأسف