[ من صفحة الكيف ]
صلاح : يا سيد بهظ بقولك إنه ثبت علميا إن المواد اللي بتحشوا بيها الخلطة بتؤدي إلى سرطان الرئة
بهظ : ده كلام فارغ
صلاح : ده كلام أخر بحث علمي وصل من من منظمة الصحة العالمية
بهظ : هما سابوا حاجة مقلوش انها بتجيب السرطان ده حتى العيش واللحمة قالوا بيجبوا سرطان،، كل دي اشاعات عشان يحببوا الناس في الجوع ويخوفهم من العز ومنجهة المزاج
صلاح : هما مين دول اللي يخوفهم !!؟؟
بهظ : حبايب الاقتصاد والمكوشين ع العز وأعوانه
صلاح : يا سيد بهظ العلم ملهوش دعوة باللي بتقوله ده لانه مبني ع تجارب حقيقة وواقعية
بهظ : البحث اللي بتقول عليه ده مش جاي من بلاد برا ؟
صلاح : طبعا ده من منظمة الصحة العالمية
بهظ : يبقى ميركبش معانا ،،، صحة هنا غير صحة هناك احنا فراعنة وربنا ادنا صحة وقوة مدهاش لحد في العالم كله ،، هو في حد بنى هرم ؟
صلاح : لا
بهظ : احنا بقى بناينا تلاتة ،، بقوة صحتنا
صلاح : ايه الكلام ده !!
بهظ : مش مصدقني طيب خلي واحد من بلاد برا يشربله بؤ مياة من اللي احنا بنربعها دي أو يأكله فرخة فات تاريخ تجميدها ،، هتلاقي يروح فيها ويموت
