شاب مصرى من ام لبنانية واب مصري. الاب يينقصل عن الام ويرجع الاب مصر ويأخد الولد معاه وهو عنده اربع سنين. ويتجوز الاب من ست مصرية ويتربى الولد ويكبر على اساس ان امه هى الست المصرية. ويموت الاب من غير ما يقول لابنه عن امه اللبنانية. لكن الست المصرية فى ايامها الاخيرة تحكى للولد عن امه وتعرفه كل الحقايق اللي كانت غايبه عنه. وبعد فترة بتموت الست المصرية. فيقرر الشاب المصري انه يروح لامه فى لبنان. وسافر واول ما حط رجله فى لبنان سأل واطقص عن امه اللبنانية وعرف انها ماتت من حوالى عشر سنين فقرر انه يروح لاهل امه ويعرفهم ويعرفوه. وهنا تبدأ احداث المسلسل. وتبقي فى صراعات بين اللى مصدق انه ابن الست اللبنانية واللي مش مصدق. وتظهر الست الوحيدة واللي كانت صاحبه امه اللبنانية واللي كانت عارفه وشاهدة علي الحدوته من اولها. وتحكى الحقيقه كامله له ولاسرته. وتقول للشاب المصري عن املاك امه المليونيرة وانه لازم يأخد حقه من اهل امه. فيروح الولد يطالب بحقه والكل يقوله مالكش حقوق والاوراق والمستندات دي كلها مزورة ويطروده. فيروح لمحامى ويحكي له القصه فيدله المحامي علي محامي دولي متخصص واللي بيلعب دوره الفنان ‘’‘شلهوب القطر’’’ واللي بيقوله انه عشان يثبت حقه فى الميراث ويستلمه بسهولة ويخرج بيه من البلد لازم الاول يأخد الجنسية اللبنانية واللي هي صعبه شويه لأن لبنان مش بتدى جنسية اصلا لا راجل ولا ست ويرفع المحامي القضية قدام محاكم لبنان ويراسل مجلس النواب اللبناني ويتعامل مع الحكومة الي ان توافق السلطات اللبنانية على اعطاء الجنسية للشاب المصري واللي بيلعب دوره الفنان فاروق الغمراوى، وساعة نطق المحاكمة بالحكم بأحقيه الشاب بجنسية امه اللبنانية يتوفى الشاب المصرى فى منظر يجمع القاضى وهو بيقول الحكم وحادث سيارة للشاب قصاد شارع المحاكمة قبل ما يعرف الحكم.
