[ من صفحة Logan ]
في البداية أحب أن أقول أن أفلام وولفرين لم تعد مثل أي فيلم أبطال خارقين أو أي فيلم X-Men فالفيلم لا يدور فقط حول رجل لديه مخالب.علي أﻷقل مش في الفيلم ده.الفيلم هدفه أنه يوريك أن الانسان مهما كانت أو زادت عظمته فهو فالاخر لازم هينتهي للتراب ودي الفكرة اللي عجبتني جدآ.كمان استخدام الدم الكتير والعنف اللي كانوا دايمآ بالجرافيكس اختلفت تمامآ و أصبحت أعنف. نتكلم عن القصة.القصة حلوة جدآ لدرجة انها ممكن تثير جواك سؤال وهو كانت فين الدماغ ديه وأخيرآ بقي في نظير ومنافس لافلام The Dark Knight.ثانيآ التمثيل،أداء هيو جاكمان كان أكثر من عالمي وفعلآ هو هيفضل طول عمرة أحسن ممثل يقدم الشخصية ديه،كذلك النجم باتريك ستيوارت والموهبة الخاصة دافني كين.ثالثآ وده بالنسبالي من العناصر المهمة جدآ في الفيلم وهي الموسيقي التصويرية.حاجة كدة ممكن توصلك في ثانية أي جو الفيلم عايز يوصلوا.وفي النهاية الفيلم هيدحكك ويوترك وهيحزنك.وأنصح بمشاهدته في السينما
