زي_النهاردة سنة 1995 كان العرض الاول لفيلم Braveheart اللي بيحكي عن قصة الملحمة التاريخية لتحرير اسكتلندا من انجلترا علي ايد ويليام والاس
الفيلم من اخراج ميل جيبسون وتمثيله وكسب 5 اوسكار منهم احسن مخرج واحسن فيلم
ميل جيبسون مكانش عايز يمثل الدور لانه كان حاسس انه اكبر من ويلايم ولاس بكتير (ميل كان عنده 40 سنة ساعتها) وكان عايز حد اصغر -زي جيسون باتريك- يعمل الدور ولكن المنتجين اصروا ان الفيلم مش هيتعمل الا لما ميل يمثل الدور في الفيلم
الفيلم كمان اتقال عليه انه فيه حقائق مزيفه كتير وساعتها ميل جيبسون قال ان الحقائق دي لتحسين السياق الدرامي
مشاهد حرب استيرلينج خدت تصوير اكتر من 6 أسابيع و عشان يحضر ميل لاخراج الفيلم اتفرج علي افلام زي Macbeth , Seven Samurai و Throne of Blood
معظم العساكر في الفيلم كانوا من الجيش الايرلندي في الحقيقه لان الفيلم اتصور معظمه في ايرلندا وكانوا بيوصلوا ل1600 عسكري في المشهد
شون كونري اتطلب منه ان يعمل دور الملك ادوارد الاول ولكن كان بيصور فيلم تاني ساعتها
قولولنا ايه اكتر مقوله بتحبوها في الفيلم؟
