- أنا اسمي يوسف المنسي درويش
= باباك اسمه المنسي؟ - لا أبويا درويش، انا اسمي لوحدي يوسف المنسي
- باباك ليه سماك اسمين؟ ليه مش يوسف بس؟
= كان خايف عليا من الحسد، بس الله يرحمه مكنش يعرف ان الاسم ده هيبقى حالي طول العمر
#زي_النهاردة كان العرض الأول لفيلم المنسي لعادل إمام Adel Emam سنة 1993 وهو الفيلم التالت اللي جمع بين الثلاثي وحيد حامد وعادل إمام والمخرج شريف عرفة، وكانوا بيبينوا ده في الفيلم ف نلاقي عادل إمام في المنسي لما شاف علاء ولي الدين قاله " انا شفتك قبل كده؟ بتروح المجمع كتير؟" إشارة لفيلمهم اللي فات سوا الإرهاب والكباب
الفيلم ببيحكي عن موظف تحويلة في السكة الحديد في الوردية الليلية ودي كانت أول ليلة يقضيها بعد ما عرف أن في عفاريت ممكن يطلعوا عليه زي ما زميله قاله، عشان يقضي الليلة دي في مغامرة مع يسراالهاربة من رئيسها في الشغل اللي عايز يستغلها،
طول الفيلم كانت يسرا لابسة فستان أحمر وعادل إمام لابس أزرق، في الأخر لما راح عشان ينقذها كانت لبست أزرق زيه في لفتة جميلة من صناع الفيلم
قولولنا ايه مشاهدكوا المفضلة
https://www.facebook.com/elCinemaEgypt/posts/10154172074410782
وأنت، هتعمل ايه ؟
