Page Liked · May 9 · Edited ·
= الناس عمرها ما اعترفت بينا احنا الاتنين
- واعترفت بيك انت لوحدك، مش كده؟ ده مجتمع جبان تقدر تفرض عليه ارادتك لو كنت قوي
= أنا مقدرش أفرض أخطائي على الناس - الناس كلها اخطاء
= لكن بيداروها - مبيداريهاش غير الضعيف
= يعني أنا ضعيف؟ - ويعني أنا خطيئتك؟ّ!
= حبنا هو خطيئتنا - يبقى نصلح الخطأ ده، نتجوز!
= … نتجوز…بس آآآ - اوعى تقول ولا كلمة، انا اللي هرفض اتجوزك، انا اللي ارفض اتجوز انسان ضعيف زيك حتى لو ركعت تحت رجلي.
= يا منى متحطميش كل شيء، انا بحبك مش عايز اسيبك ابدا، مش قادر أسيبك أبدا، احنا لازم نتجوز بس خايف ليكون جوازنا ضد مصلحتنا - قول مصلحتك!
= ابدا يا منى، مصلحتنا احنا الاتنين، تفرق ايه لو نكمل حياتنا زي ما احنا عايشين، يغير ايه من حبنا لو خليناه في السر، فكري في المركز اللي وصلتله يا منى - المركز اللي وصلتله ده الفضل فيه ليا أنا، دلوقتي بتستكتر عليا أشاركك فيه.
= لا يا منى انتي اللي بنيتيه، انتي اللي عملتيه، انتي اللي خلقتي مني الانسان الناجح ده، وعشان خاطر الانسان اللي خلقتيه حافظي عليه وصونيه. - وأنا؟! أنا ايه نصيبي؟
= الخالق بيدي مبياخدش، يكفيه عبادة خلقه، وأنا بعبدك. - الخالق بيطلب من الناس انهم يعبدوه في الجهر، أنت بتعبدني في السر
= العبادة في السر أخلص العبادات - العبادة مش خطيئة، أنت بتعتبر حبك ليا خطيئة.
= مش أنا، ده المجتمع، مجتمع من الكافرين، محدش مؤمن بيكي إلا أنا. - خليك نبي وأنشر دعوتك
= مقدرش أكون نبي - ومين قالك أني أقدر أكون إله
= أرجوكي يا مني متحطميش في لحظة كل اللي بنيناه - احنا صحيح بنينا سوا، لكن دلوقتي أنت بتهد لوحدك!
