[ من صفحة زعيم السينما المصرية ]
عادل امام بالنسبالي هو تاريخ السينما المصرية مش مجرد نجم وخلاص لا عادل امام هو أسطورة حية بأكتر من 150 فيلم ومسلسل ومسرح اتعملوا فى 60 سنه .
كوميدي هتلاقي دراما هتلاقي يمكن عادل امام هو اكتر ممثل فى العالم قدر يقدم المعادلة الصعبة وهي أن انت تقدم افلام كوميديه تجارية وفى نفس الوقت تقدم افلام دراما تقيلة تعتبر من أهم افلام السينما المصرية فى التاريخ عموماً .
يمكن عادل امام هو اكتر واحد شوفته بيدي فرصة للممثلين الشباب أنهم يظهروا معاه وشوفنا ده كتير اوى خصوصاً فى مرجان احمد مرجان كفاية أن احمد مكي كان من الكاست بتاع مرجان احمد مرجان ودايما هتلاقي الجمل والافيهات بتاعته معلقة معانا لحد دلوقتي ومن أشهر الميمز اللى بنستخدمها فى حياتنا عموماً .
صعب تلاقي حد فى مصر مبيحبش عادل امام وسهل اوى لما تخرج بره مصر انك تتسأل عن عادل امام وعلشان كده عادل امام هو الزعيم … كل سنه وانت طيب يا زعيم وتفضل مصدر بهجة وسعادة وجمال لمصر والوطن العربي كله 
